Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Fitojnë Turqia dhe Finlanda, ndërsa Norvegjia nuk shkon më shumë se barazimi pa gola përballë Letoninë, sfida të vlefshme për kualifikueset e Katar 2022. 6-0 triumfoi Turqia në Stamboll kundër modestëve të Gjibraltarit. Akturkoglu dhe Dervisoglu (2x) shënuan në pjesën e parë, teksa në fraksionin e dytë erdhën rrjetat e Demiral, Dursun dhe Muldur.
Ekipi mik luajti me një lojtar më pak prej mesit të pjesës së parë pas daljes me të kuq të Olivero. Suksesi i sotëm ka ngjitur Turqinë në vend të dytë të grupit G me 18 pikë, po aq sa numëron Norvegjia dhe një pikë më pak se kryesuesit e Holandës, që do të përballen me Malin e Zi në Podgoricë.
Norvegjia nuk ia doli të thyejë Letoninë në Olso. Mungesa e Erling Haaland u ndje shumë, teksa Norvegjia u frenua përballë mbrojtjes së ngjeshur mike. Vendasit nuk kishin as fat, Mohamed Elyounoussi gjeti rrugën e rrjetës në minutën e 80-të, por VAR-i ndali festën e shokut të Armando Brojës te Southampton.
Finlanda fitoi 1-3 në transfertë kundër Bosnjes. Pukki (25’) humbi një penallti në pjesën e parë, teksa vikingët mbetën me dhjetë lojtarë në minutën e 37-të pas daljes me të kuq të Raitala.
Pavarësisht inferioritetit numerik, Finlanda shënoi tri herë me anë të Forss, Lod dhe O’Shaughnessy. Pa vlera realizimi i Menalo për vendasit. Fitorja e sotme ka ngjitur Finlandën në vend të dytë të grupit D me 11 pikë, një më pak se Franca dhe dy pikë më shumë se Ukraina e vendit të tretë.
Top Channel
