‘Kosova nuk mund t’iu ikë përgjegjësive”, reagon BE: Ta quash “non-paper” draft-statutin e Asociacionit është shpërfillje e detyrimeve 05/11 22:28
Ish- emisari special për dialogun Kosovë-Serbi, Richard Grenell po qëndron në Kosovë.
Ai ka folur për mediet në Kosovë teksa ka thënë se akuzat e opinionistit serb, Dusan Janjiq se ai paguhet nga Serbia janë të pavërteta. Grenell ka folur edhe për punën e gazit, duke thënë se Kosova ka refuzuar të pranojë para nga ShBA për të shtyrë përpara projektin e gazit.
“Ne kemi parë këtë opinionistin nga Serbia që ka bërë këtë akuzën e rëndë për mua se jam duke u paguar nga Serbia. Kjo s’është e vërtetë aspak. Është lajm i rremë. Nuk mendoj se mediat duhet të raportojnë një gjë të tillë. Është thashethem. Mediat kanë përgjegjësinë të raportojnë vetëm faktet”, ka thënë ai.
Duke e quajtur përdorimin e qymyrit si të dëmshëm, Grenell ka kritikuar qeverinë Kurti për refuzim të të hollave të ShBA-së për projektin e gazit që sipas tij do të ishte më i lirë.
“Në Kosovë është nevoja që të hiqet qymyri nga përdorimi. Është i dëmshëm. Çfarë kemi parë prej qeverisë aktuale është një refuzim për të hollat e ShBA-së për gazin. Do të ishte më lirë dhe më e shëndetshme për njerëzit e Kosovës. Do të dëshiroja që ambasada amerikane të ishte më e qartë në këtë drejtim. Ata e humbën mundësinë që të jenë më të qartë”, tha ai.
Top Channel
