“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Kryeministri i Kosovës Albin Kurti ka deklaruar se në kuadër të pakos së ringjalljes ekonomike, vëmendje të veçantë i është dhënë fuqizimit të grave në ekonomi e shoqëri, kurse, me mbështetjën e punësimit të grave, është paraparë që secila grua që nuk ka qenë e punësuar në tre muajt e fundit e që është punësuar, t’i subvencionohet 50 për qind e pagës për tre muajt e parë. Ndërsa, pas periudhës tre mujore grave të punësuara u subvencionohet kontributi pensional deri në qershor të vitit 2022.
“Gratë janë shumë më pak në ndërmarrësi krahasuar me burrat. Por, ato që janë, ta zëmë 11 për qind, ndoshta numërojnë sfida më shumë se sa rreth 90 për qind e burrave në ndërmarrësi”, tha kryeministri i Republikës së Kosovës, Albin Kurti, në forumin “Gratë në Ndërmarrësi”, me të cilin u hap Java e Ndërmarrësisë, organizuar nga Oda Amerikane në Kosovë.
Kryeministri Kurti shtoi se sot mund t’i listojmë sfidat, por edhe të arriturat, t’ua njohim meritat dhe përpjekjet grave, që tashmë janë në biznes. Ai theksoi se me shembullin e tyre, ato janë duke inkurajuar edhe shumë gra të tjera, kurse me kontributin që japin, janë duke e ndihmuar punësimin, tregun dhe ekonominë. Duke e konsideruar rëndësinë e mbështetjes së grave në fushën e biznesit, kryeministri tha se këto masa do të aplikohen edhe për bizneset në pronësi të grave, pavarësisht sektorit.
Më tej, ai shtoi se mbështetja e bizneseve të grave – është masa tjetër, nëpërmjet të cilës të gjitha gratë që kanë në pronësi biznese dhe që dëshirojnë të zgjerojnë biznesin e tyre, mund të aplikojnë për subvencionim të kredisë investive deri në 20 për qind të kryegjësë, pra duke mos marrë parasysh sektorin në të cilin e kanë ndërmarrësinë e tyre. Ndërsa me Projektligjin për buxhetin e vitit 2022, i cili u miratua në Qeveri ditë më parë, do të fillojë ndërtimi i 50 çerdheve në tërë vendin, që fëmijët të kenë kujdesin e duhur e gratë të integrohen në tregun e punës, dhe sidomos nënat të kenë më shumë kohë për studim e punë.
“Ne jemi këtu për juve, bashkërisht ta shpiejmë përpara zhvillimin dhe barazinë në shtetin tonë. E ne nuk besojmë që mund të kemi barazi në shoqëri, pa barazi gjinore”, tha në përmbyllje kryeministri Kurti./KosovaPres
Top Channel
