Tare e ka gati planin, një mbrojtës dhe dy lojtarë yje, çfarë do të bëjë Milani në janar përveç Fullkrug? 20/12 01:27
Ka përfunduar ndeshja mes skuadrës së Legia Warsawa dhe Napolit, ku pas 90’ minutave lojë tre pikët ka siguruar skuadra mysafire.
Fillimisht, rezultatin e zhbllokoi skuadra vendase përmes golit të Emrelit në minutën e 10’, gol me të cilin edhe përfundoi pjesa e parë, përcjell KosovaPress.
Pjesën e dytë e nisi shumë më mirë skuadra e Napolit, ku edhe arriti të shënoj katër gola për të siguruar fitoren kundër skuadrës polake.
Napolitanët shënuan dy gola nga penalltia, një përmes Zielinskit në minutën e 51’, kurse tjetrin përmes Dries Mertens në minutën e 75’.
Protagonistë në këtë fitore ishin edhe Hirving Lozano, i cili shënoi për 3:1 në minutën e 79’ kurse golin e fundit në këtë ndeshje e shënoi Ounas në minutën e 90’ të ndeshjes.
Me tre pikët e reja, Napoli tani ngjitet në pozitën e parë në Grupin C me shtatë pikë, kurse Legia zë vendin e dytë me gjithsej gjashtë pikë.
Rezultati final i ndeshjes është 1:4 në favor të Napolit.
Top Channel
