I mjaftuan vetëm katër ndeshje në krye të Manchester United për të konfirmuar veten, ikona holandeze bëhet trajner i… 28/11 10:21
Fitore me përmbysje për Napolin ndaj Legias së shqiptarëve në ruandin e 4-t të ndeshjeve në grupe të Europa League, me të kaltrit e Spallettit që parakaluan pikërisht polakët në renditje duke u ngjitur në vendin e parë të grupit C falë suksesit 1-4 në Varshavë.
Me Lirim Kastratin në fushë dhe Muçin e Çelhakën në stol ishte Legia që zhbllokoi shifrat e para, me sulmuesin azer Emreli pas vetëm 10 minutash lojë. Në fraksionin e parë Napoli u ndal te traversa ndërkohë që në të dytin skuadra italiane bëri ligjin në këtë duel duke shënuar plot 4 herë. Dy penallti kthyen fatet e ndeshjes me Zielinskin e Mertens që realizuan nga një secili ndërkohë që rrugën e rrjetës e gjetën edhe Lozano e Ounas që fiksoi shifrat në 1-4 me një supergol në minutat e fundit. Në këtë ndeshje pati minuta edhe për Ernest Muçin që u aktivizua në minutën 67-të pikërisht në vend të Kastratit.
U kualifikua zyrtarisht në fazën e 1/8 të Europa League, Lyon që siguroi edhe matematikisht vendin e parë në grupin A, dy raunde para fundit, falë suksesit 3-0 ndaj Spartës së Pragës. 12 pikë në 4 ndeshje për francezët me golat e sfidës që u realizuan nga Islam Slimani që shënoi dy herë dhe Toko-Ekambi. Hodhi një hap të sigurt drejt vendit të parë në grupin D dhe Eintracht Frankfurt që mposhti 1-2 me përmbysje brenda në Greqi Olympiacos. Kamada dhe Hauge iu kundërpërgjigjën golit të El-Arabit për vendasit.
Me këtë fitore Frankfurti kryeson grupin D me 10 pikë. Përfundoi pa gola ndërkohë supersfida e grupit B ajo mes Monacos dhe PSV Eindhoven me situatën që mbeti e pandryshuar pasi edhe Sociedad barazoi 1-1 ndaj Sturm Graz me tre skuadra që kanë shanse reale për kualifikimin. Siguroi kualifikimin për në fazën tjetër edhe West Ham që barazoi 2-2 në transfertën belge ndaj Gent dhe u ngjit në kuotën e 10 pikëve në grupin H me tre fitore dhe një barazim. 2-golëshi i alegjerianit Benrahma nuk u mjaftoi anglezëve.
Barazim 1-1 edhe në sfidën e grupit E mes Galatasaray dhe Lokomotivës së Moskës me Kamanon që iu përgjigj golit të Feghouli, ndërkoëhë që po 1-1 u mbyll sfida e luajtur në Danimarkë mes Brondby dhe Rangers e vlefshme për grupin A ku bën pjesë Lyon me golin e Ianis Hagi që nuk i mjaftoi skocezëve.
Top Channel
