VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Edhe pse pa Messin e Ronaldon, El Clasico mbetet El Clasico, pasi përfaqëson përballjen mes dy prej skuadrave që kanë shkruar historinë e futbollit spanjoll e atij europian dhe kanë dhuruar gjithmonë sfida me rivalitet të jashtëzakonshëm, qoftë edhe për shkak të rrethanave politike.
Barcelona dhe Reali i Madridit do të përballen të dielën në orën 16:15 në “Camp Nou”, në sfidën e tyre të 247 zyrtare, teksa 246 ndeshjet e zhvilluara deri tani flasin për një epërsi fare të lehtë të Los Blancos, që numërojnë 98 fitore, kundrejt 96 sukseseve të katalanëve dhe 52 barazimeve.
Bilanci i ndeshjeve direkte:
| Kompeticioni | Ndeshje | Fitore Barcelona | Fitore Reali | Barazime |
| La Liga | 182 | 72 | 75 | 35 |
| Kupa e Mbretit | 35 | 15 | 12 | 8 |
| Kupa e Ligës | 6 | 2 | 0 | 4 |
| Superkupa e Spanjës | 14 | 4 | 8 | 2 |
| Kupa e Kurorëzimit | 1 | 1 | 0 | 0 |
| Champions League | 8 | 2 | 3 | 3 |
| Të gjithë kompeticionet | 246 | 96 | 98 | 52 |
| Miqësore | 33 | 19 | 4 | 10 |
| Ndeshjet total | 279 | 115 | 102 | 62 |
Dy skuadrat janë përballur më së shumti në La Liga dhe Kupën e Mbretit, ndërsa mes tyre regjistrojnë edhe 8 sfida të vlefshme për Ligën e Kampionëve, ashtu si edhe 20 të tjera mes Kupës së Ligës dhe Superkupës së Spanjës.
Vlen të theksohet se dy skuadrat kanë luajtur edhe një numër shumë të madh ndeshjesh miqësore, plot 33, të cilat flasin ndjeshëm në favor të Barcelonës, që ka fituar 19, ka barazuar 10 dhe ka humbur vetëm 4.
Shifra thuajse të njëjta kanë të dy skuadrat edhe kur numëron trofetë zyrtarë të fituar, me Barcelonën që numëron 97 trofe kundrejt 95 të Realit, megjithatë katalanët kanë fituar më shumë trofe të rëndësishëm si Champions League dhe kampionati spanjoll./ SS
Trofetë e fituar:
| Barcelona | Kompeticioni | Reali i Madridit |
| Në Spanjë | ||
| 26 | La Liga | 34 |
| 31 | Kupa e Mbretit | 19 |
| 13 | Superkupa e Spanjës | 11 |
| 3 | Kupa Eva Duarte (nuk organizohet më) | 1 |
| 2 | Kupa e Ligës (Nuk organizohet më) | 1 |
| 75 | Të gjitha | 66 |
| Në Europë | ||
| 5 | Uefa Champions League | 13 |
| 4 . . . | Uefa Kupa e Kupave (nuk organizohet ) | 0 ….. . |
| 0 | Uefa Europa League | 2 |
| 5 | Uefa Superkupa Europiane | 4 |
| 3 | Fairs Cup (Nuk organizohet) | 0 |
| 2 | Kupa Latine (Nuk organizohet) | 2 |
| 0 | Kupa Ibero-Amerikan (Nuk org.) | 1 |
| 0 | Kupa Interkontinentale | 3 |
| 3 | FIFA Botërori i Klubeve | 4 |
| 22 | Të gjitha | 29 |
| 97 | Total Trofe | 95 |
Top Channel
