Singapori blen ilaçin kundër Covid 19, të prodhuar nga Merck

06/10/2021 14:31

FILE PHOTO: An experimental COVID-19 treatment pill called molnupiravir being developed by Merck & Co Inc and Ridgeback Biotherapeutics LP, is seen in this undated handout photo released by Merck & Co Inc and obtained by Reuters May 17, 2021. Merck & Co Inc/Handout via REUTERS

Kompania amerikane, Merck ka njoftuar të mërkurën se ka arritur marrëveshje me Singaporin për ta furnizuar me pilulën eksperimentale kundër koronavirusit.

Molnupiravir mund të jetë pilula e parë që synon të luftojë Covid 19, sëmundjen që shkakton koronavirusi.

Merck është duke kërkuar miratimin e Administratës amerikane për Ushqim dhe Ilaçe për përdorimin e saj.
Australia ka blerë po ashtu pilulën e Merck, derisa Tajlanda, Koreja Jugore, Tajvani dhe Malajzia janë duke negociuar blerjen.

Nxitimi për ta porositur këtë pilulë vjen pasi të dhënat nga testimet klinike fillestare, të publikuara javën e kaluar, kanë treguar se ky ilaç mund të zvogëlojë për 50 për qind mundësinë e shtrirjes në spital apo vdekjes, për pacientët që rrezikojnë të sëmuren rëndë nga Covid 19.

Singapori ka raportuar 3,486 raste të reja me koronavirus të martën, ndërkohë që po përballet me shpërthimin më të keq prej përhapjes së pandemisë. Deri më tani, ky vend ka vaksinuar mbi 80 për qind të popullsisë kundër Covid 19.

Top Channel