Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Edhe pas gjysmë shekulli në paqe, Ballkani ende nuk ka arritur stabilitetin e qëndrueshëm për të cilin shpresohej. Në shkrimin e tij për ‘Project Sindycate’, ish-diplomati OKB për Ballkanin, Carl Bildt thotë se procesi i integrimit në Bashkimin Europian është ndaluar dhe mundësia e rikthimit te konflikti i dhunshëm nuk përjashtohet.
Lufta e Ballkanit zgjati për rreth një dekadë dhe mori më shumë se 100,000 jetë njerëzish, zhvendosi miliona dhe ndaloi zhvillimin ekonomik të rajonit, për ndoshta disa dekada.
Marrëveshja e paqes së Dejtonit i dha fund konfliktit në Bosnje në 1995, por më pas erdhi lufta e Kosovës, e cila vazhdoi deri më 1999, e ndjekur në 2001 nga një shpërthim dhune në atë që sot është Maqedonia e Veriut.
Në vitin 2003, udhëheqësit e Bashkimit Evropian deklaruan se të gjitha vendet e rajonit duhet të punojnë drejt një të ardhmeje stabiliteti dhe paqeje të qëndrueshme brenda BE -së.
Ai thotë se askush nuk e priste që kjo të ndodhte brenda natës, si dhe askush nuk mendoi se procesi i integrimit do të ishte aq i zgjatur sa ka qenë. Që nga pranimi i Sllovenisë dhe Kroacisë në 2004 dhe 2013, respektivisht, zgjerimi i BE -së në Ballkan ka ngecur në mënyrë efektive.
Sipas Bildt, kjo për dy arsye. Së pari, reforma politike dhe ekonomike në vendet e Ballkanit jashtë BE-së ka qenë shumë e ngadaltë, ndërsa korrupsioni dhe ndjenjat nacionaliste janë bërë gjithnjë e më të rrënjosura.
Së dyti, mbështetja për zgjerimin e mëtejshëm është zbehur brenda shumë vendeve të BE -së. Megjithëse politikanët ende i kushtojnë vëmendje idesë, pengesat dhe vonesat e reja përshëndeten nga disa shtete kryesore anëtare.
Top Channel
