Durrës/ Sekuestrohen 21 kg kanabis, arrestohen 4 persona. Do shitej në treg për 38.800 euro (EMRAT)
30/09/2021 11:07
Protesta përpara bashkisë së Tiranës, humbet ndjenjat polici i FNSH në detyrë 30/04 17:54
Policia e Durrësit ka finalizuar me sukses operacionin e koduar “Porositësit”, si rezultat i së cilit ranë në pranga 4 persona dhe u sekuestruan 21 kg kanabis, që nëse do dilte në treg kapte vlerën e 38.800 euro.
Policia njofton se të arrestuarit janë Admir Dedja, 25 vjeç, Beart Ismailaj, 24 vjeç, Hismet Toro, 33 vjeç dhe Misim Koldashi, 55 vjeç (i shpallur në kërkim për veprën penale “Kultivimi i bimëve narkotike), të gjithë banues në Durrës.
“Arrestimi i këtyre shtetasve u bë pas vëzhgimit të pandërprerë dhe informacioneve të siguruara nga specialistët e Seksionit të Narkotikëve dhe agjentët e Forcave Operacionale. Këta shtetas, në bashkëpunim me njëri-tjetrin, po tentonin të shisnin, kundrejt shumës 38.800 euro, rreth 21 kg lëndë narkotike cannabis sativa, e cila u gjet në garazhin e banesës së shtetasit Misim Koldashi dhe u sekuestrua në cilësinë e provës materiale.
Gjithashtu, në vijim të kontrolleve, në pronën e shtetasit Misim Koldashi, shërbimet e Policisë kanë konstatuar të kultivuara disa bimë narkotike cannabis sativa”, njofton policia.
Nën drejtimin e Prokurorisë së Rrethit Gjyqësor Durrës, vijon puna për identifikimin e personave të tjerë të përfshirë në këtë veprimtari kriminale.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Top Channel
