Jennifer Lopez ‘i mbyll derën’ Ben Affleck/ Aktori strehohet tek ish-gruaja e parë pasi shtëpia 20 milionë dollarëshe u përfshi nga zjarri 09/01 10:41
Një turiste britanike i ka mbijetuar mrekullisht një rënieje spektakolare nga të paktën 30 metra me një motor ‘fuoristradë’ me 4 rrota, në Greqi.
Gina Styles ishte lëshuar në ajër nga renia, ishte përplasur me pemë e shkëmbinj, para se të ndalonte disa centimetra larg një tjetër rrëpire të cilës nuk do të kishte mundur t’i mbijetonte.
Gruaja me pushime ishte e mbuluar me gjak nga aksidenti pasi kishte përplasur hundën e kishte pësuar disa fraktura, shkruan e përditshmja britanike ‘The Sun’.
48 vjeçarja tha: “Nuk isha ende gati të vdes. Isha në agoni por jam e vendosur të mbijetoj, nuk kishte qenë koha ime për të shkuar”.
Aksidenti i tmerrshëm ndodhi gjatë pushimeve të saj dy javore në Malia, në ishullin e Kretës, ku ajo ishte me miqtë Frank White, 32 vjeç, e Gary Edwards, 50.
Treshja kishin ndaluar në periferi të qytetit Neapoli kur Gina ra në një pjesë të zhavorrtë dhe nisi të rrëshkiste poshtë tatëpjetës.
Ajo tregon: “Nuk kishte barriera dhe vetëm nisa të bija ne renie te lire. Isha ende në motor kur godita shkëmbin e parë pas 7 metrash rënie, dhe përplasja ishte aq e fortë sa fluturova në ajër. Më pas nisa të godas të gjithë pemët dhe gungat qe me dilnin perpara. Sa herë përplasesha diku dhimbja ishte e pabesueshme.”
Gina tregon se miqtë e saj e kishin ndihmuar për ta dërguar në spital ku analizat konfirmuan dy fraktura në shtyllën kurrizore, thyerje të shpatullës e të kyçeve.
Ajo kaloi pesë ditë në spital dhe pjesën tjetër të pushimeve në një karrige me rrota, por së shpejti prej të kthehet në shtëpi. “Jam e lumtur që mbijetova dhe betohet se nuk do të hipi më kurrë në një motor të tillë”, thotë Gina, nga Kent në lindje të Britanisë.
Top Channel
