Zbulohet dokumenti, klubi i futbollit “Tirana” del në ankand. Ja vlera e 66% të aksioneve të 26 herë kampionëve të Shqipërisë
22/04 12:52
Vllaznia dhe Teuta dhuruan emocione të mëdha në “Loro Boriçi”, në një përballje mes pretendentësh me llogari të hapura nga sezoni i kaluar, por kjo sfidë përfundoi barazim 1-1, edhe pse skuadra shkodrane luajti me një lojtar më shumë që nga fundi i pjesës së parë.
Edhe në këtë përballje vendimtare ndërhyrjet nga sistemi VAR, për ndëshkimin e Todorovskit me karton të kuq dhe për anulimin e një goli të Vllaznisë në minutat shtesë për pozicion jashtë loje.
Në të 35-të ishte e pafat Teuta, që pas gabimit të Adilit goditi shtyllën me Plakun. Aralica humbi një mundësi të artë në minutën e 44-t, duke goditur jashtë, ndërsa pak çaste më vonë Teuta mbeti në inferioritet numerik pas ndëshkimit të Todorovskit me karton të kuq si lojtar i fundit. Pjesa e dytë nis me penallti për Vllazninë për ndërhyrjen e Aleksit ndaj Aralicës, por pas ndërhyrjes së VAR-it vendimi i kthyer për pozicion jashtë loje të Liridon Latifit.
Stadiumi “Loro Boriçi” shpërtheu në festë, kur Da Silva realizoi një gol të bukur me kokë në minutën e 58-të, ndërsa Teuta u kundërpërgjigj me Kuembemban në të 73-tën, me një goditja me kokë nga një distancë e konsiderueshme.
Emocionet në “Loro Boriçi” vijuan deri në sekondat e fundit, me golin e Çobës që u anulua nga VAR-i për pozicion jashtë loje për çështje centimetrash, me Teutën që arrin të marrë një pikë shumë të vlefshme mes shumë sakrificash.
Top Channel
