“Unë nuk i vi më në emision këtij”/ I bllokoi mikrofonin, Shqipja ikën nga studio. Plas keq në emision 25/11 10:20
Dy vajza që aksidentalisht u ndërruan kur ishin bebe, u rritën si motra prej moshës tre vjeçare kur prindërit kuptuan gabimin që kishte ndodhur.
Caterina Alagna e Melissa Fodera, të dyja 23 vjeçe u rritën në familjet e gabuara për një ngatërrese në spitalin e qytezës siçiliane të Mazara del Vallo.
Por në moshën tre vjeçare nënat e tyre kuptuan gabimin dhe kjo u konfirmua nga testet e ADN-së, shkruan rrjeti Times.
Prej atëherë dy familjet vendosën t’i rrisin ato sikur të ishin motra, sipas historisë së prezantuar në një dokumentar të quajtur “Motra përgjithmonë”.
Autori i librit Mauro Caporiccio tha: “Praktikisht dy vajzat u rritën nga katër prindër dhe tetë gjyshër, dhe eksperimenti duket se funksionoi”.
Dy vajzat kishin lindur 15 minuta larg njëra-tjetrës natën e vitit të ri 1998 kur dhe u ngatërruan me njëra-tjetrën nga stafi ose prindërit e tyre.
Por tre vjet më vonë, teksa merrte bijën e saj Melissa nga kopshti, 51 vjeçarja Marinella Alagna, vërejti një ngjashmëri të madhe me Caterinën dhe dy motrat e saj”.
“Njoha nënën e Caterina, Gisella Fodera, nga reparti ku linda në maternitet, dhe nisa të dyshoj — 15 ditë më vonë në bëmë testin e ADN-së dhe mendja ime u trazua. Ishte e pamundur”, thotë ajo.
Fillimisht situata u komplikua për të gjithë familjet e përfshira, pasi askush nuk dëshironte të ndërronte fëmijët.
46 vjeçarja Fodera, tha: “Unë sfidoj këdo që rrit një vajzë për tre vjet dhe më pas ta japë sepse nuk rezulton bija e tij biologjike”.
Por familjet gradualisht vendosën të ndërrojnë vajzat dhe t’i rrisin ato së bashku.
Dy familjet u afruan me njëra-tjetrën, mbanin ditëlindje të përbashkëta dhe dy vajzat u bënë të pandashme, shkruan El Correo.
“Ne jemi një fenomen. kemi tetë gjyshër, dy baballarë e dy mama,” thotë Caterina.
Caporiccio shton: “Ata vendosën të jetonin së bashku në fundjava dhe në kohën e lirë. Vajzat mësonin në një klasë deri sa shkuan në universitetet”.
“Të tjerët i konsiderojnë binjake sepse ishin gjithmonë bashkë kur ishin të vogla.”
Melissa thotë se asaj dhe Caterina iu tha e vërteta kur ishin tetë vjeçe.
“Dukej si një lojë, pasi asnjëra nga nuk mbante mend nga jeta kur ishim tre vjeçe. Duke u rritur unë kisha Marinella si një nënë të dytë, dhe ashtu është edhe sot,” thotë ajo.
Fodera tregon: “Fillimisht duke dashur shumë Melissa, bijën time biologjike, ndjehesha sikur po tradhtoja vajzën që kisha rritur, por sot ndjehem si nënë e bijë me të dyja”.
Top Channel
