Dy vëllezër janë vënë në pranga pasi tentuan të kultivonin bimë narkotike në fshatin Luftinjë të Memaliajt.
Sipas policisë ata janë identifikuar me inicialet S. S., 37 vjeç dhe R. S., 32 vjeç.
Memaliaj.
Tentuan të kultivonin bimë narkotike, vihen në pranga dy shtetas.
Shërbimet e Stacionit të Policisë Memaliaj, në bashkëpunim me shërbimet e Komisariatit të Policisë Tepelenë, në bazë të informacioneve të siguruara, në vijim të kontrollit të territorit me qëllim parandalimin, evidentimin dhe goditjen e rasteve të tentativës për kultivim të bimëve narkotike, kanë goditur dhe dokumentuar një rast të kësaj veprimtarie kriminale, ku u kapën dhe u ndaluan shtetasit
S.S., 37 vjeç dhe R. S., 32 vjeç (vëllezër), banues në fshatin Luftinjë, Memaliaj.
Shtetasit e mësipërm në bashkëpunim me njerit tjetrin, në fshatin Luftinjë, kanë tentuar të kultivojnë bimë narkotike.
Materialet në ngarkim të shtetasve S. S. dhe R. S. i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
——————————–
Shërbimet e Stacionit të Policisë Memaliaj kanë referuar materialet për shtetasin F. Gj., 20 vjeç, banues në Gjirokasër, pasi ky shtetas duke drejtuar mjetin tip “Audi”, nuk i është bindur urdhrit për ndalim të punonjësve të patrullës së Stacionit të Policisë Memaliaj.
Materialet në ngarkim të shtetasit F. Gj. i kaluan Prokurorisë Pranë Gjykatës së Shkallës së Parë Gjirokastër për veprën penale “Mosbindja ndaj urdhërit të punonjësit të policisë së rendit publik”.
———————————-
Shërbimet e Komisariatit të Policisë Tepelenë kanë referuar materialet për shtetasin S. H., 54 vjeç, banues në Gjirokasër, pasi ky shtetas në vendin e quajtur “Uji i Ftohtë”, Tepelenë, ka hedhur një sasi inertesh në një hapësirë publike.
Materialet në ngarkim të shtetasit S. H. i kaluan Prokurorisë Pranë Gjykatës së Shkallës së Parë Gjirokastër për veprën penale “Shpërdorim i tokës”.
Top Channel
