Eksperti i Turizmit, Besnik Vathi i ftuar në emisionin “Open” në Top Channel u shpreh se nuk beson që turizmi i këtij viti të ketë pësuar rritje në krahasim me atë të 2019.
Ai tha se turizmin këtë verë në Shqipëri e kanë ardhur shumë emigrantë, të cilët kishin rreth dy vite që nuk vinin në vendin tonë dhe ata ‘e kanë bërë turizmin’.
Vathi: Nga ana statistikore pa parë rezultatet e INSTAT nuk besoj që ka rritje me vitin 2019.
Shqipëria ka qenë e mbyllur deri në fund të prillit. Në krahasim nga janari në prill nuk kishim hyrje he e ka qenë e mbyllur përgjatë verës për shtetasit britanikë, italiane, norvegjezë dhe disa shtete të Europës. Shqipëria është e mbyllur për aziatikët. Duke krahasuar çka ndodhur me 2019 këtë vit, është shumë më ulët. Të mos jemi optimistë të parakohshëm.
Në Shqipëri pranvera u dogj. Po vjen një vjeshtë me mbyllje totale. Shqipëria që nesër futet në listën e kuqe. Dallimi mes verës që kishte turistë dhe kishte ata të Kosovës, Serbisë, Malit të Zi, duhet të theksojmë se këtë vit kemi pasur turistë emigrantë më shumë sesa 2019 pasi kishte dy vite rresht që nuk vinin dot.
Top Channel
