Ministrja e Jashtme Olta Xhaçka ka takuar gazetaren e BBC, që arriti të nxjerrë nga Afganistani dhjetëra gra e vajza, Yalda Hakim,
Teksa ka ndarë me ndjekësit në “Facebook” një foto nga takimi, Xhaçka shkruan se Yalda është “ një grua e jashtëzakonshme dhe një burim frymëzimi me misionin e saj për fuqizimin e grave dhe vajzave në Afganistan”.
644 shtetas afgan janë strehuar deri më tani në vendin tonë. Ata po qëndrojnë në Qytetin Studenti dhe në strukturat hoteliere të Durrësit e Shëngjinit.
“Shqipëria është krenare që në këtë kohë të vështira, mund t’i qëndrojë pranë dhe të sigurojë një strehë për shumë prej grave e vajzave, me të cilat dhe për të cilat Yalda Hakim ka punuar”, shkruan Xhaçka në rrjetin social.
Një ditë më parë, gazetari i Top Channel, Muhamed Veliu zhviloi një intervistë të gjatë me Yalda Hakim, në Shëngjin. Gazetarja e BBC-së foli për sfidat e këtij rrugëtimi të vështirë dhe falenderoi Shqipërinë që “hapi dyert duke treguar kujdes e zemërmadhësi plot bujari për këta njerëz të traumatizuar duke ia zbutur sadopak dhimbjet”.
Intervista e plotë: https://top-channel.tv/2021/09/05/intervista-per-tch-gazetarja-e-bbc-yalda-hakim-qe-shpetoi-studentet-ia-kisha-borxh-vendit-tim12/
Top Channel
