Edhe pse jo fluks, muaji gusht dhe fillim shtatori kanë patur një proces të mirë vaksinimi.
Në qendrën më të madhe të vaksinimit në Vlorë, në pallatin e sportit, ka pasur shumë të interesuar për vaksinën.
Por sipas kryevaksinatores, studentët dhe mësuesit janë qytetarët më shumë vaksinë kërkues.
Sipas saj edhe emigrantët kanë kryer një ose të dyja dozat e vaksinës, ndërsa kanë parapëlqyer Astrazenecën, Pfizer dhe Modernën, kjo e fundit nuk është në Vlorë.
Nga ana tjetër qytetarët që kanë marrë sot vaksinën në këtë qendër janë shprehur se kanë ardhur të vetëdijshëm për kryerjen e vaksinës dhe aspak të detyruar.
Ndërkohë sipas kreut të epidemiologjisë në Vlorë, Agron Bashllari rreth 12 mijë e 500 është numri i të vaksinuarve prej 1 gushtit, një shifër e konsiderueshme sipas tij, ndërsa prej fillimit të këtij procesi Vlora regjistron 92 mijë persona të vaksinuar.
Top Channel
