Sara Mila zbulon në “Goca dhe Gra” prapaskenat e jetës së saj politike: Teatër jo i bukur, nuk është aq tragjike sa duket 27/03 22:34
Nëse mendoni se Chiara Ferragni dhe Fedez janë ashtu siç shfaqen në Instagram, gjithmonë të lumtur dhe merren vesh për gjithçka, po ju themi që e keni gabim! Edhe ata përjetuan një moment tensioni, në jahtin e mikut të tyre Diego Della Valle në Amalfi Coast dhe zënka e tyre nuk i shpëtoi aparatit të paparacit të revistës Chi. Dhe siç mund ta mendoni, fotot u bënë virale.
Në foto, çifti Ferragnez duket se po diskutojnë me tone të ashpra, një skenë mjaft e pazakontë për fansat e tyre, të mësuar t’i shohin bashkë me fëmijët e tyre Leone dhe Vittoria, si një familje perfekte.
Edhe pasi fotot pushtuan të gjitha mediat italiane dhe rrjetet sociale, Fedez dhe Chiara preferuan të mos i komentonin. Një fund i hidhur i një vere të mbushur me pushime mes jahteve super luksoze dhe vilave të ëndrrave, para se të zbarkonin në Amalfi Coast, ku një grindje e vogël prishi ekuilibrin (pothuajse) të përsosur të familjes.
Megjithatë, tani duket se gjakrat janë qetësuar midis tyre. Chiara dhe Fedez festuan dje 3 vjet martesë dhe Ferragni postoi disa fotografi të ditës së tyre të madhe në Instagram, duke shkruar:
“Tri vjet më parë u martova me njeriun e jetës sime dhe ishte një nga ditët më të mira që kam jetuar ndonjëherë, e rrethuar nga të gjithë njerëzit që i dua vërtet. Të dua Fedez”.
Pak a shumë në të njëjtën kohë, edhe Fedez bëri një postim, gjithashtu shumë romantik.
“5 vjet më parë shkrova një këngë që më prezantoi me njeriun e jetës sime, saktësisht 3 vjet më parë u martuam. Faleminderit që ishe gjithmonë atje, faleminderit që më dhurove shpirtrat më të çmuar të jetës sime. Faleminderit që je Luani im dhe Fitorja ime [duke iu referuar djalit Leone dhe vajzës Vittoria]. Të dua”
Me pak fjalë, momenti në foto ka qenë thjesht një zënkë e momentit që tani ka kaluar.
Top Channel
