Mirditë/ Po transportonte lëndë drusore me kamion, procedohet penalisht 57-vjeçari
01/09/2021 16:18
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Një 57-vjeçar është proceduar penalisht sepse u kap nga policia në Mirditë duke transportuar lëndë drusore të prerë në mënyrë të paligjshme.
Ai u konstatua në fshatin Peshqesh teksa po transportonte lëndë drusore me kamion dhe u ndalua menjëherë nga forcat blu.
“Në zbatim të planit të masave për parandalimin dhe goditjen e krimeve mjedisore, shërbimet e Policisë Mirditë, kanë konstatuar dhe ndaluar në fshatin Peshqesh, Njësia Administrative Orosh, Mirditë, një mjet tip kamion që transportonte lëndë drusore.
Gjatë kontrollit të ushtruar, shërbimet e Policisë kanë konstatuar se drejtuesi i mjetit, shtetasi A.B.,po transportonte lëndë drusore të prerë në mënyrë të paligjshme.
Në përfundim të veprimeve, specialistët për Hetimin dhe Parandalimin e Krimit në Komisariatin e Policisë Mirditë kanë proceduar penalisht shtetasin A.B., 57 vjeç, banues në Thumanë”, njofton policia.
Materialet në ngarkim të tij janë referuar në Prokurorinë e Rrethit Gjyqësor Lezhë, për veprime të mëtejshme.
Policia e Shtetit do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.
Top Channel
