Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Barcelona do të përpiqet të gjejë një sulmues në ditën e fundit të merkatos së futbollistëve dhe siç zbulohet nga RAC1, klubi katalan ka kontaktuar Atléticon e Madridit për huazimin e portugezit Joao Félix. “Los Colchoneros” tashmë e kanë në tryezë propozimin e “blaugranave” dhe drejtuesit e Barcelonës presin një përgjigje në orën në vijim.
Pasi kreu dy shitje në ditët e fundit, atë të Emersonit te Tottenhami dhe Ilaix te Leipzigu, Barça nuk përjashton mundësinë që të nënshkruajë me një sulmues për të kompletuar repartin e avancuar (nuk është zëvendësuar Messi). Kërkesa e Koemanit, në parim, ishte gjetja e një numri 9 dhe emri i Joao Félix nuk figuronte në listë.
Përfaqësuesi i portugezit është Jorge Mendes, një menaxher shumë i njohur, që mban marrëdhënie të shkëlqyera me Laportën dhe drejtuesit e tjerë të klubit të Barçës.
Lojtari i Atléticos po kalon një periudhë riaftësimi për shkak të operacionit që iu nënshtrua në korrik për problemet e kyçit të këmbës dhe për këtë arsye ende nuk e ka bërë debutimin këtë sezon.
Top Channel
