Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Ushtria amerikane u tërhoq nga Afganistani pas dy dekadash lufte.
Avioni i fundit amerikan u largua nga Kabuli. Kreu i Komandës Qendrore të SHBA-së thotë se Amerika arriti të evakuojë rreth 123.000 civilë nga Kabuli.
Ky ka qenë “misioni më i madh evakuues jo-luftarak në historinë e ushtrisë amerikane”, thotë gjenerali McKenzie.
Forcat amerikane kanë evakuuar më shumë se 7.500 civilë në ditë, shton ai.
Presidenti Jos Biden falenderoi të gjithë personat e përfshirë në operacionin e evakuimit gjatë 17 ditëve të fundit dhe kujtoi 13 marinsat amerikanë të vrarë në bombardimet në aeroportin e Kabulit javën e kaluar.
Sipas tij, SHBA do të angazhohet në diplomacinë e vazhdueshme me talebanët për të lejuar shpërndarjen e ndihmës humanitare dhe për të siguruar që të gjithë ata që duan të largohen nga Afganistani, kenë mundësi të ikin.
Biden është kritikuar gjatë gjithë kësaj kohe, për vendimin e tij për tërheqjen e ushtrisë. Data 31 gusht është parë si e pamjaftueshme për të larguar të gjithë amerikanët dhe mbështetësit e SHBA-së nga vendi.
Top Channel
