Covid i gjatë/ Mjekët: Po kthehet në një problem madhor!
28/08/2021 14:41
Analiza/ Çfarë pasojash ka urdhër-arresti kundër Netanyahut? 23/11 08:00
Covid-i i gjatë nuk është një fenomen i ri, por ai po kthehet në një problem gjithmonë e më shqetësues.
Studimi i fundit, i botuar nga një prej revistave më të rëndësishme në fushën e mjekësisë, tregon se simptomat që zgjasin edhe pasi një person e ka kaluar Covid-19-n, kuptohen pak nga ekspertët.
“The Lancet” shkruan se të kuptuarit e këtyre simptomave përbën “një sfidë për mjekësinë moderne me rëndësi parësore”, për një përgjigje të përshtatshme ndaj kësaj çështjeje. Sipas revistës shërimi nga i ashtuquajturi “Covid-i i gjatë” mund të zgjasë më shumë se një vit. Simptomat përfshijnë “lodhje të vazhdueshme, gulçim, mjegullim të trurit dhe depresion”.
Në artikull thuhet se gjetja e përgjigjeve rreth misterit që paraqet “Covid-i i gjatë” do të kërkojë përdorimin e plotë të njohurive shkencore e mjekësore krahas ofrimit të një trajtimi me dhembshuri e shumë disiplinësh ndaj atyre që janë prekur nga sëmundja. SHBA-ja mbetet vendi më i prekur në botë nga koronavirusi. Mbi 38 milionë njerëz janë infektuar atje dhe mbi 633,000 kanë humbur jetën.
Top Channel
