Pa Filtra/ “Kalova në depresion pas lindjes”, rrëfimi prekës i Françeska Muratit: Eksperienca më e keqe në jetë, doja vetëm të… 22/12 20:40
Bebeja e njohur e kopertinës së albumit të grupit muzikor Nirvana, ka paditur grupin për pornografi fëmijësh për imazhin e vitit 1991.
Spencer Eldon, tashmë 30 vjeçar, thotë se grupi Nirvana dhe trashëgimtarët e kantautorit gjenial Kurt Cobain kanë “trafikuar” imazhin e tij të bebes së zhveshur, dhe kërkon $2.5milionë dëmshpërblim për shfrytëzimin.
Në padinë e depozituar në gjykatën federale të Los Angeles , Elden tha se prindërit e tij nuk kanë dhënë kurrë miratim të shkruar për foton dhe nuk janë paguar për këtë.
Por megjithë raportimet e vitit 2008 se fotografi Kirk Weddle ka paguar babanë e Elden $200 për foton, ai thotë se ‘identiteti i tij dhe emri ligjor janë tashmë të lidhura përgjithmonë me shfrytëzimin seksual që ka pësuar kur ishte bebe, i cili është shpërndarë e shitur në të gjithë botën.
Elden kërkon $150,000 dëmshpërblim nga secili prej 17 të paditurve, ku përfshihen shokët e grupit të Cobain, Dave Grohl e Krist Novoselic, ekzekutuesi i trashëgimisë së Cobain, dhe menaxhuesit e pronës së tij intelektuale Guy Oseary e Heather Parry.
Imazhi është marrë në vitin 1990 në qendrën e pishinave Pasadena, kur akuzuesi ishte katër muajsh.
Kopertina e famshme e albumit e zgjedhur nga vetë i ndjeri Kurt Cobain, tregon beben e zhveshur në ujë që zgjatet drejt një kartmonedhe 1-dollarëshe.
Në dokumentet e gjykatës të para nga rrjeti TMZ, grupi kishte premtuar se pamja e organeve gjenitale të bebes do të mbulohej, por kjo nuk ndodhi.
Top Channel
