DASH-amerikanëve: Rishqyrtoni udhëtimet drejt Shqipërisë prej COVID-19
24/08/2021 14:03
E enjtja me mot të paqëndrueshëm! Shi dhe vranësira gjatë gjithë ditës, sa do arrijnë temperaturat 25/04 07:01
Ambasada amerikane në Tiranë ka shpërndarë Këshillimin e Udhëtimit për Shqipërinë, të përditësuar nga DASH, ku apelohet që amerikanët të rishqyrtojnë udhëtimet në Shqipëri për shkak të rritjeve të rasteve të reja me Covid-19.
Po ashtu, më herët në këtë raport të përditësuar ambasada ka dhënë dhe një tjetër paralajmërim për qytetarët amerikanë që të mos udhëtojnë në Lazarat pasi siguria në këtë vend është e luhatshme për shkak të krimit dhe dhunës që lidhet me kultivimin e drogës.
Qendra amerikane për Kontrollin dhe Parandalimin e Sëmundjeve e ka futur Shqipërinë në vendet me nivel të lartë rreziku për t’u infektuar me koronavirus dhe kështu DASH rekomandon që amerikanët të shmangin udhëtimin drejt Shqipërisë, për shkak të rritjes së konsiderueshme të rasteve të reja me COVID-19.
“Situata e sigurisë në Lazarat mbetet e paqëndrueshme për shkak të krimit dhe dhunës që lidhen me kultivimin e marihuanës. Policia lokale ka aftësi të kufizuar për të mbrojtur dhe ndihmuar udhëtarët. Qeveria amerikane nuk është në gjendje të ofrojë shërbime emergjente për qytetarët amerikanë në Lazarat pasi punonjësve të qeverisë amerikane u ndalohet të udhëtojnë atje”, thuhet në njoftimin e DASH.
Top Channel
