Qëllon me armë në tokë pas sherrit me rojën e qendrës tregtare, arrestohet polici në Tiranë
23/08/2021 09:30
Goditi me send të fortë policin në Fier, në kërkim autori 01/05 13:57
Një punonjës policie është vënë në pranga pasi gjatë konfliktit me një roje sigurie të një qendre tregtare ka qëlluar me armë zjarri në tokë.
Polici me iniciale D. T., 35 vjeç u konfliktua me rojën bashkë me vëllanë e tij, i cili është shpallur në kërkim.
Ende nuk dihet arsyeja e konfliktit, ndërsa policia po heton në lidhje me ngjarjen.
Tiranë
Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit Sh. V., 53 vjeç, pasi ka ushtruar dhunë fizike dhe psikologjike ndaj djalit të tij.
Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë i shtetasit D. T., 35 vjeç, (punonjës policie) si dhe u bë shpallja në kërkim e vëllait të tij shtetasit A. T., 29 vjeç, pasi me datë 21.08.2021, janë konfliktuar fizikisht për motive të dobëta me rojen security të një qendre tregtare dhe dyshohet se shtetasi D. T., ka qëlluar me armë zjarri në tokë.
Specialistët e Qarkullimit Rrugor bënë arrestimin në flagrancë të shtetasve: B.G., 44 vjeç, A. L., 50 vjeç, A. S., 49 vjeç dhe A. N., 29 vjeç, pasi u kapën duke drejtuar mjetet përkatëse në gjendje të dehur; Xh. K., 24 vjeç, pasi u kap duke drejtuar mjetin pa lejen përkatëse.
Më datë 22.08.2021, shtetasi D. H., 34 vjeç, kallëzon se gjatë natës, ka konstatuar se i kanë vjedhur një shumë parash në biznesin e tij. Punohet për identifikimin dhe kapjen e autorit.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Top Channel
