I vuri flakën bimëve në varrezat e fshatit, nën hetim 46-vjeçari në Fier
21/08/2021 12:49
Edhe kjo javë me mot të paqëndrueshme! Nga e mërkura shi në formën e shtrëngatave 06/05 07:02
Foto ilustruese
Një 46-vjeçar po hetohet në Fier, pasi dyshohet si përgjegjës i djegies së një toke me bimë.
Sipas policisë, shtetasi me iniciale E.K. ka shkaktuar zjarr nga pakujdesia në varrezat e fshatit Vajkan.
Njoftimi i policisë:
Në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Komisariatin e Policisë Fier, proceduan penalisht shtetasin E. K., 46 vjeç, banues në Vajkan Fier, pasi në varrezat e fshatit Vajkan, ka shkaktuar zjarr nga pakujdesia dhe si pasojë e përhapjes së flakëve është djegur një sipërfaqe toke me bimësi.
Materialet i kaluan Prokurorisë, për veprime të mëtejshme.
Drejtoria Vendore e Policisë Fier apelon për të gjithë banorët, që në asnjë rast mos shkaktojnë zjarrvënie, pasi do përballen me ligjin. Policia fton qytetarët që të denoncojnë në numrin 112 dhe Komisariatin Digjital për çdo rast të zjarrvënies apo të paligjshmërisë në tërësi duke iu garantuar anonimatin dhe reagim të shpejtë e të paanshëm nga strukturat policore.
Top Channel
