Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Ministria e Shëndetësisë së Kosovës në një njoftim për mediet njofton të gjithë qytetarët që kombinimi i vaksinave është i lejueshëm dhe ka qenë një praktikë që në nisje të procesit të vaksinimit masiv.
Në komunikatë thuhet se qytetarët kanë të drejtë të zgjedhin llojin e vaksinës të cilën duan ta marrin dhe kombinimi i tyre bëhet me qëllim rritjen e imunitetit.
E zgjedhjet janë AstraZeneca dhe Pfizer/BioNTech. Megjithatë nëse dikush do t’i bëjë kombinim, dozën e parë mund ta marrin Astra Zeneca dhe të dytën Pfizer apo anasjelltas.
Ky reagim i Ministrisë së Shëndetësisë erdhi pasi gjatë ditës së sotme u raportua se kombinimi i vaksinave në Kosovë nuk lejohet në qendrat e vaksinimit.
Njoftimi i plotë:
Kombinimi i vaksinave në Kosovë bëhet që kur ka nisur vaksinimi masiv kundër COVID-19
Ministria e Shëndetësisë i informon sërish qytetarët e vendit se ata që vaksinohen kundër COVID-19 kanë të drejtë të zgjedhin llojin e vaksinës të cilën do ta marrin prej dy llojeve të vaksinave të cilat përdoren në Kosovë si Astra Zeneca dhe Pfizer BioNTech.
Gjithashtu, që kur ka filluar vaksinimi i qytetarëve në masë kundër COVID-19 (qershor 2021), qytetarëve u është lejuar, me rekomandim të Komitetit të vaksinimit edhe kombinimi i vaksinave, që do të thotë se dozën e parë mund ta marrin të vaksinës Astra Zeneca dhe të dytën Pfizer dhe anasjelltas.
Deklaratat e kujtdo qoftë se në Kosovë nuk lejohet kombinimi i vaksinave janë të pavërteta.
Me respekt,
Divizioni i Komunikimit me Publikun-MSh
Top Channel
