Arber Çekaj, i dënuar si trafikant kokaine me 14 vite burgim , u përpoq të dukej i qetë para kamerave.
Ashtu veproi edhe Fatmir Pjetri ,që i rëndojnë 30 vite burgim si babagjyshi grabitës apo edhe i dyshuari Lulzim Çepele, dora e fashuar e të cilit për prokurorinë mbetet prova se ai ai improvizoi vetëvrasjen për të tërhequr vëmendjen e policisë. 30 minuta pas veprimit të tij, në kamera shfaqen Arbër Çekaj dhe Fatmir Pjetri që vunë në jetë planin e dështuar të arratisjes, ndonëse në gjykatë çepele tha se e kreu këtë veprim për shkak të gjendjes së rënduar emocionale dhe familjes.
Gjashtë oficerë janë nën hetim dhe këtë e deklaroi në salle të gjykatës prokurori i çështjes.
Efektivët deklarojnë se dhanë alarmin dhe u përpoqën t’i kapnin dy të burgosurit. Në gjykatë përgjegjësinë për planin e arratisjes e mbajti Fatmir Pjetri.
Çekaj këmbënguli se ndoqi instiktin.
Me babanë në burg për 9 kg të tjera kokainë, Çekaj akuzoi strukturat e shtetit se kishin rënduar gjendjen e tyre familjare duke fabrikuar akuza dhe insistoi sërish pafajësi.
Megjithatë derisa çështja të zbardhet , të burgosurit janë izoluar përkohësisht për 90 ditë, ndërkohë të pyetur nga TCH , as Spak dhe as Ministria e Drejtësisë nuk japin informacion nëse do te aplikohet apo jo ndaj tyre regjimi i ashpër 41 biss.
Top Channel
