SHBA shënon rritje të infektimeve! Më shumë se 100 mijë raste në ditë, shkak varianti “Delta”
08/08/2021 16:35
Tentoi të vidhte një argjendari në Shkodër nën kërcënimin e armës, kapet në Spanjë 35-vjeçari. Pritet ekstradimi 03/05 10:54
Shtetet e Bashkuara kanë regjistruar mesatarisht 100 mijë raste të të infektuarve me Covid-19 në ditë, duke arritur thuajse nivelet e valës së parë të dimrit të shkuar.
Nisur nga shifrat e larta autoritetet bëjnë apel qytetarëve që të vaksinohen për të frenuar një përhapje më të madhe të variantit të ri Delta, pasi parashikojnë që rastet e infektimeve do të vazhdojnë të rriten në rast se nuk ndërgjegjësohen.
Deri më tani në Shtetet e Bashkuara të Amerikës rreth gjysma e popullsisë janë vaksinuar plotësisht, teksa 70.6% e të rriturve kanë marrë të paktën një dozë të vaksinës.
Megjithatë, sipas autoriteteve miliona njerëz janë ende të pavaksinuar dhe rritja më e madhe e infeksioneve është regjistruar në shtete me norma të ulëta vaksinimi, të tilla si Florida apo Teksasi.
Aktualisht më shumë se 44 mijë amerikanë të infektuar me Covid 19 janë të shtruar në spital sipas autoriteteve, gati 4 herë më shumë se në muajin qershor, duke dëshmuar se virusi po përhapet me shpejtësi.
Rritja e rasteve të reja dhe shtrimeve të pacientëve të prekur në spital po vënë në vështirësi sistemin shëndetësor deklarojnë autoritetet, të cilat presin një përkeqësim të situatës të paktën edhe në javët e ardhshme.
Top Channel
