SHBA-të i bëjnë thirrje Izraelit të shmangë përshkallëzimin e konfliktit me Iranin 16/04 08:20
Zjarrfikësit po punonin sot për të përmbajtur një zjarr masiv që po shkaterron pyjet e veriut të Kalifornisë i cili vijonte të zgjerohej, i nxitur nga nxehtësia ekstreme dhe erërat e forta që pengonin përpjekjet e zjarrfikësve.
Autoritetet kanë marrë lajmërime për dhjetra shtëpi të djegura në disa komunitete rezidenciale, duke përfshirë dhe qytetin e evakuar të Doyle.
Pamjet e postuara në rrjetet sociale tregonin flakë të mëdha dhe grupe të autoriteteve që përpiqeshin të llogarisnin dëmet madhore.
Zjarri i nisur prej 2 korrikut ishte përhapur dje deri në 8 000 hektarë dhe vetëm 8% e tij raportohet se është vënë nën kontroll.
Zjarri që është bërë më i madhi në këtë shtet për sezonin, është ndezur fillimisht nga rrufetë në parkun kombëtar pyjor në Plumas.
Një pjesë e madhe e Perëndimit të SHBA u përfshi në fundjavë nga temperatura mbi 40 gradë C të cilat pritet të vijojnë edhe kësaj jave.
Operatori i energjisë elektrike në Kaliforni lëshoi një alarm pesë orësh prej pasdites së të hënës, duke u kërkuar klientëve të kursejnë sa më shumë energji që munden për të evituar ndërprerjet.
Në Oregon, një zjarr i quajtur tashmë ‘Bootleg Fire’ është përhapur në 224 milje katrorë në qytezën pranë lumit. Flakët kanë dëmtuar tre linja transmetimi të energjisë elektrike drejt Kalifonisë.
Një zjarr i ndezur në Washington ka përfshirë 60 milje katrorë në parkun kombëtar pyjor Umatilla.
Guvernatori i Idaho, Brad Little shpalli emergjencën të premten duke mobilizuar Gardën Kombëtare kundër zjarreve në rajon.
Top Channel
