Akuzohet për “Grup i organizuar kriminal”/ Kapet kosovari i shpallur në kërkim ndërkombëtar. Pritet të ekstradohet në Gjermani

07/07/2021 11:05

Një shtetas kosovar i shpallur në kërkim ndërkombëtar për veprat  penale “Vjedhja në rrethana rënduese” dhe “Grup i organizuar kriminal”, është arrestuar në hyrje të Pikës së Kalimit Kufitar Morinë.

“Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar: A. B., 34 vjeç, banues në Podujevë, Kosovë”, njfton policia.

Gjatë përpunimit dhe verifikimit të të dhënave në sistem, ka rezultuar se kosovari ishte person në kërkim ndërkombëtar, pasi NCB Interpol Ëiesbaden Gjermani i ka caktuar urdhër-arrestin për veprat penale “Vjedhja në rrethana rënduese” dhe “Grup i organizuar kriminal”, parashikuar nga legjislacioni penal i Gjermanisë.

Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Gjermanisë, mbështetur në “Konventën Evropiane të Ekstradimit” të vitit 1957.

Top Channel