Rinas/ Shtetasit turk i sekuestrohen 33 mijë dollarë
04/07/2021 12:36
Ndryshimet klimatike prekin vendin tonë, ja cilat janë bashkitë ku parashikohet të ndodhin problemet më të mëdha
30/04 16:02
Në Rinas vijojnë kontrollet e imtësishme për parandalimin, evidentimin dhe goditjen e paligjshmërisë dhe një rast i tillë është goditur në aeroport.
Policia e Shtetit njofton se një shtetasi turk i janë sekuestruar 33.000 dollarë dhe për pasojë ai është proceduar penalisht për veprën penale “Mosdeklarim në kufi i të hollave dhe i sendeve me vlerë”.
“Shërbimet e Policisë Kufitare në Rinas në bashkëpunim me shërbimet e Doganës Rinas dhe Antitrafikut në Drejtorinë e Përgjithshme të Doganave, në vijim të kontrolleve të imtësishme, në bazë të analizës së riskut, në hyrje të PKK Rinas, kanë kaluar në vijën e dytë, për kontroll më të detajuar të bagazheve, shtetasin turk N. P., 43 vjeç.
Si rezultat i kontrollit, shërbimet e Policisë Kufitare kanë gjetur të fshehura në çantën e laptopit, 33000 dollarë, të cilat ky shtetas nuk i kishte deklaruar”, njoftoi policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Top Channel
