Organizata humanitare italiane ndërton 9 shtëpi të dëmtuar nga tërmeti në Belsh/ Balla: Të rrisim bashkëpunimin në dy anët e Adriatikut

03/07/2021 13:59

Organizata humanitare Caritas Albania ndërtoi 9 shtëpi të reja në qytetin e Belshit të cilat u dëmtuan nga tërmeti.

Në ceremoninë e përfundimit të shtëpive dhe futjes brenda të anëtarëve të 9 familjeve nga Belshi, kryetari i grupit parlamentar të Partisë Socialiste, Taulant Balla falenderoi përfaqësuesit e Caritas Albania për mbështetjen e dhënë për ndërtimin e shtëpive të reja.

Nuk janë vetëm 9 shtëpi që janë ndërtuar, por janë 9 familje që deri para pak kohësh nuk kishin një çati ku të mbanin fëmijët e tyre. Kjo është forma më e bukur për të festuar 30 vjetorin e Caritas në Shqipëri. Pas tre dekadash vazhdon me të njëjtin angazhim njësoj siç erdhi ditën e parë në Shqipëri”, tha Balla.

Sipas Ballës, Shqipëria dhe Italia janë shumë të ndërlidhura me njëra tjetrën.

Në çdo moment të vështirë, Italia i është gjendur pranë Shqipërisë në çdo formë mbështetjeje, por të mos harrojmë që gjatë pandemisë dhe Shqipëria e vogël tregoi një formë shumë domethënëse solidariteti, duke dërguar mjekë dhe infermierë në një prej zonave më të prekura nga pandemia në Itali. Detyra jonë është të rrisim sa më shumë bashkëpunimin nga të dyja anët e Adriatikut”, tha Balla.

FOTO GALERI
1/6

Top Channel