Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Këngëtarja shqiptare me famë në Greqi, Eleni Foureira prej vitesh flitet se është në lidhje me futbollistin e njohur, Alberto Botia.
Ata madje vitin e kaluar u fotografuan së bashku me pushime, ndërsa shiheshin të lumtur në krahët e njëri-tjetrit.
Ishte revista greke “Hello”, ajo e cila ka shpërndarë imazhet të cilat vërtetonin lidhjen e këngëtares shqiptare me futbollistin spanjoll.
Konfirmimin për lidhjen e tyre e ka bërë së fundmi edhe vet Eleni, me publikimin e një fotografie me të dashurin e saj para pasqyrës.
Vitin e kaluar, gazetari i njohur grek Aris Kavatzikis, i cili kishte gjurmuar lidhjen e tyre, ishte shprehur se ka pasur kriza më parë rreth çiftit, por që ata i kanë dhënë vetes një mundësi të dytë.
“Në një moment në revistën Hello ne kishim disa fotografi të Eleni që ishte me Alberton dhe kishim shumë kohë që i shikonim së bashku. Alberto kishte ardhur nga Arabia Saudite për ta parë, ne bëmë një lajm dhe e kishim kërkuar shumë dhe i vendosëm titullin se ata janë përsëri së bashku dhe kështu publikuam një lajm ekskluziv. Pastaj e kuptuam që ata të dy në atë kohë i kishin dhënë një shans të dytë njëri-tjetrit, sepse ishin larg për një kohë, por kur dy njerëz duan të jenë së bashku, unë mendoj se pengesat dhe distanca mund t’i kapërcejnë të gjitha dhe ne e kuptuam kur bisedonim me shumë njerëz që Eleni donte ta merrte lidhjen me shumë seriozitet. Ajo ishte e interesuar për karrierën e saj, por njëkohësisht edhe për jetën personale”, është shprehur gazetari Aris Kavatzikis.
Top Channel
