Studentëve ju ofrohet punë/ Panair pune në universitetin “Aleksandër Moisiu”

Në përgjigje të një tregu pune shumë dinamik dhe nevojës së studentëve për t’u orientuar drejt tij dhe lidhur kontratat e para, Fakulteti i Biznesit ndërmori këtë nisëm që u mirëprit nga bizneset dhe studentët.

“Shumë të vlefshëm e gjeta, këtë panair pasi po më mundëson një vend pune”, thotë kjo studente që sapo ka nënshkruar një kontratë 6-mujore me një nga filialet e bankave në vend.

“Kam mbaruar për financë-kontabilitet dhe kjo është një mundësi shumë e mirë punësimi pse jo dhe në drejtim të marketingut. Shkolla jonë dhe kjo marrëveshje me kompaninë na jep shumë mundësi të mira të punësohemi realisht në treg e jo të ngelet në fjalë.”

Qindra studentë morën informacion në stendat e kompanive të ndryshme, institucioneve publike dhe organizatave për t’u njohur me mundësitë e ofruara për praktika profesionale dhe punësim.

“Ishte përtej çdo pritshmërie dhe u bë i mundur nënshkrimi i disa marrëveshjeve, ndërsa u punësuan 2 studente në dy biznese të rëndësishme dhe vazhdon intervista e studentëve të tjerë. Oferta për vende pune e paraqitur sot është për 300 vende pune në profile të ndryshme, si menaxhim, hoteleri, turizëm, financë etj.

– Sa i përgjigjet fakulteti dinamikës së tregut të punës?

“Ndaj do të zhvillohet forumi akademik për të përshtatur kurrikulat në përputhje me kërkesat e punës në mënyrë që studentët t’i përgjigjen tregut si nga ana teorike dhe praktike.”

Duke studiuar tregun dhe përshtatur kurrikulat studimore, Universiteti i Durrësit synon të përgatisë studentë sa më konkurrues dhe të lehtësojë kalimin e tyre nga auditorët drejt tregut të punës, ndaj organizimi i panaireve të tilla, që të orientojnë drejt tij dhe karrierës, pritet të kthehet në traditë.

Top Channel