Nafta, lufta dhe Ngushtica e Hormuzit, analiza nga REL: A mund t’i mbrojë Uashingtoni tregjet globale të energjisë nga Irani? 12/03 09:24
Një berber në Chicago, SHBA, është akuzuar për vrasje pasi qëlloi për vdekje një klient që refuzonte të paguante për qethjen e tij.
Incidenti fatal ndodhi pasditen e të enjtes që shkoi, në studion e stilimit ‘Studio 914’ në Chicago Maywood.
Pronari i biznesit Deshon Mcadory, 40 vjeçar, u arrestua për vrasje të gradës së parë të 31 vjeçarit Christian McDougald.
Mcadory për prerjen e flokëve kërkon $15, dhe nuk është ende e qartë sesi u konfliktuan ai dhe McDougald, por sipas raportimeve këtij të fundit nuk i pëlqeu pamja e re e flokëve.
Ortaku i Mcadory, 43-vjeçari Samuel Williams, gjithashtu u arrestua për përdorim të paligjshëm arme.
Prokurori Kevin Meehan tha se McDougald kishte refuzuar të paguante për qethjen dhe nisi të debatonte me Mcadory dhe berberët e tjerë.
Teksa debati përshkallëzohej McDougald kishte ndjekur Mcadory në daljen e pasme të dyqanit dhe e kishte qëlluar klientin dy herë me armë në gjoks, tha prokurori.
Avokati i mbrojtjes Antony Burch përshkruante Mcadory is pronar biznesi dhe baba i dy fëmijëve në universitet. Ai shtonte se klienti i tij ishte tërhequr nga debati kur kishte qëlluar ndaj McDougald, të cilin e përshkruante si ‘agresor’ gjatë konfrontimit.
Seanca gjyqësore e radhës është të mërkurën.
Top Channel
