Obama lavde ndaj futbollistit-aktivist Rashford: Marcus, shumë më lart se ku kam qenë unë 23 vjeç

28/05/2021 18:01

Ish-presidenti Barack Obama i ka thurrur lavde sulmuesit të skuadrës Manchester United, Marcus Rashford pas pjesëmarrjes në një video me qëllim evidentimin e rolit që të rinjtë mund të luajnë për të ndryshuar shoqërinë.

23 vjeçari Rashford, është bërë një zë i njohur për kulturën e të rinjve në Britani kohët e fundit, duke ndihmuar në hapjen e mensave të ngrënies në shkolla për fëmijët e paprivilegjuar.

Përpjekjet e tij të vazhdueshme sollën sensibilizimin e qeverisë së kryeministrit Boris Johnson që investoi 520 milionë paundë në këtë skemë, e cila siguroi më shumë 130 milionë vakte ngrënieje në luftën kundër varfërisë te fëmijët.

Rashford ka nisur një program për sensibilizimin e fëmijëve ndaj ushqimit dhe të ushqyerit, si dhe ka hapur një grup libri për fëmijët e paavantazhuar.

Përpjekjet e tij i sollën Rashford një titull nderi nga mbretëresha e Britanisë, teksa dje Obama e tregoi veten si një admirues të tij.

“Shumë nga të rinjtë me të cilët jam takuar – përfshi edhe Marcus – kanë bërë shumë më përpara nga sa kam qenë unë kur isha 23 vjeç. Ata po bëjnë ndryshime e po kthehen në forca pozitive për komunitetet e tyre”, tha Obama.

“Edhe nëse bën diçka të vogël pozitive kjo përbën një ndryshim pasi akumulimi ii njerëzve që bëjnë gjëra pozitive na përmirëson të gjithëve.”

FOTO GALERI
1/3
23 vjeçari Rashford, është bërë një zë i njohur për kulturën e të rinjve në Britani kohët e fundit, duke ndihmuar në hapjen e mensave të ngrënies në shkolla për fëmijët e paprivilegjuar.

Top Channel