Qytetarët australianë që kthyen nga India rrezikojnë deri në pesë vite burg.
Në përpjekje për të frenuar përhapjen e koronavirusit, e sidomos hyrjen e e variantit të rrezikshëm Indian, qeveria australiane e ka shpallur për momentin për paligjshëm udhëtimin prej andej. Ministria vendase e shëndetësisë sqaroi se vendimi u mor në bazë “të numrit të njerëzve që kanë përfunduar në karantinë pasi ishin infektuar në vendin e shkatërruar prej sëmundjes”.
Kjo përbën të parën herë që kthimi në atdhe përbën për australianët një shkelje penale. Jo të gjithë ishin dakord me të. Një mjek i tha ABC-së se lëvizja e ekzekutivit është e tepruar.
“Familjarët tanë po vdesin përtej detit në Indi. Të mos i lejosh asnjë mundësi kthimi, kjo është praktikisht braktisje”, u shpreh ai. Ministri Australian i Shëndetësisë, Greg Hunt e pranon se as për ata vetë nuk ishte e lehtë të merrnin një vendim kaq drastik, por na duhet me doemos të mbrojmë shëndetin e publikut dhe numrin e të karantinuarve ta reduktojmë në nivele të menaxhueshme, u shpreh ai.
Në Indi, llogaritet të ketë rreth 9.000 australianë, 600 prej të cilëve janë klasifikuar “ si të cenueshëm”. Në fillim të javës, Australia ndaloi të gjithë fluturimet nga ky vend.
Top Channel
