Festivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori 27/07 07:21
Skema e ngjyrave
Madhësia e shkrimit
Evropa mund të përballet me mungesë karburanti për avionët brenda vetëm tre javësh nëse Ngushtica e Hormuzit nuk rihapet, paralajmëron Këshilli Ndërkombëtar i Aeroporteve të Evropës (ACI Europe).
Gjiri Persik, një burim kryesor i karburantit për aviacionin, përbën rreth 50% të importeve të Evropës, duke e bërë situatën veçanërisht të ndjeshme.
Drejtori i përgjithshëm i ACI Europe, Olivier Jankovec, tha se aeroportet më të vogla janë veçanërisht të prekshme dhe një krizë furnizimi do të prishte rëndë operacionet e aeroportit dhe lidhjen ajrore, me ndikime ekonomike të ashpra për komunitetet e prekura.
Disa linja ajrore tashmë kanë ulur fluturimet dhe kanë rritur tarifat e pasagjerëve për shkak të shqetësimeve për mungesën e karburantit.
Çmimi referues i karburantit për avionët evropian arriti javën e kaluar nivelin më të lartë prej 1,838 dollarë për ton, krahasuar me 831 dollarë para fillimit të luftës.
Jankovec i kërkoi BE-së ndërhyrje urgjente, duke theksuar se mbështetja vetëm te forcat e tregut nuk është një opsion. Ai kritikoi mungesën e monitorimit të prodhimit dhe disponueshmërisë së karburantit për avionë në të gjithë kontinentin.
Angazhimi i BE-së në blerjen kolektive të karburantit për avionë. Heqja e përkohshme e kufizimeve dhe rregulloreve për importin e karburantit për avionë. Përforcimi i mbështetjes për prodhimin dhe përballueshmërinë e karburantit të qëndrueshëm të aviacionit (SAF).
Aeroportet me më pak se një milion pasagjerë në vit tashmë po përballen me vështirësi operative, pa marrë parasysh ndikimin e mungesës së karburantit.
Top Channel
