A do ta pranojë rezultatin e zgjedhjeve po humbi? Ja çfarë thotë kreu i PD-së në “Open”

I pyetur nëse do ta pranojë rezultatin e zgjedhjeve, kreu i Partisë Demokratike është shprehur se më 25 prill PD do ti fitojë thellë këto zgjedhje dhe do të jetë kryeministër i çdo shqiptari.

-Ne e refuzojmë dhunën do ta mbrojmë demokracinë, çfarë kuptoni me këtë?

Kështu siç kemi bërë dhe do të bëjmë, të dalin masivisht, çdo votë të numërohet dhe të vij ndryshimi që sot është një aspiratë që tejkalon kufijtë.

-A do ta pranoni rezultatin e zgjedhjeve?

Nuk mund të jetë asgjë tjetër veçse largimi i Ramës. Nuk ka rezultat humbës për PD, PD do ti fitojë thellë këto zgjedhje, koalicioni ynë do ti fitojë thellë këto zgjedhje,  do të jem kryeministër i çdo shqiptari. Edhe Edi Rama e di që ka humbur. Incidente të blerjes së votave i bën një i dëshpëruar. Më 25 prill përgjigjen do ta marrin në kutitë e 25 prillit. Një aktivist dhe tre kriminelë të lidhur me Edi Ramën që futen dhe qëllojnë mbi të, 8 vite dështime na kanë sjellë këtu.

Top Channel