Tanket, raketat dhe ushtarët e Rusisë përgatiten për paradën madhore të Fitores (fotot)

14/04/2021 21:42

Gjuajtësit rusë performonin sot manovra akrobatike të shpejtësisë së lartë teksa përgatiteshin për paradën madhore të Ditës së Fitores në Moskë, ne pervjetorin e triumfit ndaj nazizmit, e gjithashtu në një shfaqje presioni e force në tensionet e përshkallëzuara me Ukrainën dhe aleatët e saj të NATOs.

Eventi i përvitshëm i 9 Majit në Sheshin e Kuq në Moskë shënon fitoren e Ruisisë ndaj Gjermanisë naziste dhe sivjet pritet të vijojë pa kufizime madhore megjithë pandeminë ende të panënshtruar të koronavirusit.

Në provat e sotme të paradës kuadrate ushtarësh ecnin në formacione të rregullta në terrenet e bazës stërvitore Alabino, me maska fytyre dhe flamurë të kuq, ndërsa tanket e raketa lëshueset bashkoheshin në parakalime.

Parada është sivjet në vitin e 76-të dhe mbahet në kujtim të rreth 20 milionë sovjetikëve që kanë humbur jetën në Luftën e Dytë Botërore.

Në pamjet e ministrisë së mbrojtjes shiheshin gjithashtu manovra me helikopteret e sulmit Mi-35 e Ka-52, si dhe me grupin akrobatik Berkut, në helikopterin Mi-28N.

Skuadra e gjashtë gjuajtësve Su-25 do të përdoret për akrobacitë, duke pikturuar flamurin rus në qiellin mbi Sheshin e Kuq.

Ministria tha se disa raketa lëshuese do të ketë në paradë, si dhe bombarduesit Tu-160 e Tu-95MS.

Tu-160 është nga avionët më të mëdhenj supersonikë të prodhuar, dhe është aktualisht bombarduesi më i shpejtë në botë.

Në provat e sotme morën pjesë më shumë se 70 mjete ajrore, duke performuar akrobaci me shpejtësi 200-550 km/orë.

“Po planifikojmë fluturime tradicionale celebruese mbi Sheshin e Kuq, teksa këtë vit grupi i bombarduesve Tu-160 do të shoqërohen nga katër gjuajtës Su-35 të skuadronit akrobatik,” tha mes te tjerash kreu i armatimit dhe stërvitjes taktike Alexander Ivashkin.

FOTO GALERI
2/6
Tanket e raketa lëshueset bashkoheshin në parakalime.

Top Channel