Protesta të punonjësve të çelikut pas shkurtimeve të vendeve të punës në veri të Francës (fotot)
25/11 19:28
Sipas deklaratave, bashkëshorti i mësueses e dinte se ajo po bënte dashuri me të riun, dhe i kishte thënë “të mos tregonte njeriu”.
Një mësuese e fëmijëve me nevoja të veçanta është arrestuar pasi akuzohet se i ka dhënë droga e pije alkoolike një adoleshenti të virgjër, dhe më pas bëri seks me të në ditëlindjen e tij të 16-të.
36 vjeçarja Kimberly Wellman-Rich, është akuzuar tashmë për përdhunim të të riut, i cili po jetonte me të dhe bashkëshortin e saj gushtin e vitit të kaluar.
Ndërsa Jeffrey Rich, 35 vjeç, gjithashtu u arrestua pasi ishte në dijeni të abuzimit dhe nuk e raportoi atë te autoritetet.
Në dokumentet e policisë së New Orleans thuhej se çifti kishin tymosur marijuanë dhe konsumuar pije alkoolike me adoleshentin.
Ky i fundit tha se eksperienca e tij e parë seksuale u bë me mësuesen Wellman-Rich, në ditën e ditëlindjes së tij. Mosha ligjore e pranimit për seks në shtetin e Louisiana është 17 vjeç.
Më pas thuhet se mësuesja kishte bërë seks me të disa herë të tjera, kryesisht në divanin e shtëpisë, por gjithashtu në krevat dhe në dhomën e miqve.
Gjatë disa prej incidenteve seksuale, bashkëshorti i mësueses, Jeffrey Rich gjendej në shtëpi, në një tjetër dhomë.
Sipas raportimeve, më 15 janar mësuesja e mori nxënësin në një “udhëtim vajzash” në New Orleans me shoqet e saj, dhe më pas i kishte kërkuar atyre të dilnin nga dhoma e hotelit që ata të bënin seks.
Kur ata ishin kthyer në shtëpinë e Wellman-Rich, adoleshenti i tha policisë se ishte konfrontuar me bashkëshortin e saj.
Jeffrey Rich i kishte thënë atij me tone kërcënuese të mbante sekret aventurat me gruan e tij, tha policia.
Policia u lajmërua nga një telefonatë anonime për abuzimin e gruas me adoleshentin, dhe më 11 shkurt e ndaluan me akuzat e “përdhunimit ligjor”, siç njihen ndryshe marrdhëniet e ndaluara seksuale, pa përdorim dhune.
Top Channel
