Autobusi me 13 pasagjerë bën aksident në Gjermani, 2 të vdekur e disa të plagosur 11/01 22:45
Një ish-profesionist i futbollit amerikan ka qëlluar për vdekje një doktor, gruan e tij, dy nipërit e tyre dhe një person tjetër, para se të kthente armën nga vetja në një masakë të tmerrshme në shtëpinë në Karolinën e Veriut.
Phillip Adams, i cili ka luajtur me skuadrat Seahawks, 49ers, Raiders e Jets, hapi zjarr për masakrën e tij mbrëmë vonë, duke lënë të vdekur 70 vjecarin Dr. Robert Lesslie, gruan e tij Barbara Lesslie, 69 vjeçe, dhe dy nipërit e tyre, 9-vjeçarin Adah Lesslie e 5-vjeçarin Noah Lesslie, njoftonte zyra e sherifit të York.
Viktima e pestë është 38 vjecari James Lewis, i cili po punonte në shtëpi në kohën e masakrës.
Një person i gjashtë i paidentifikuar ishte shtruar në spital me një plagë të rëndë arme zjarri.
Autori Phillip Adams më vonë vdiq nga vetëvrasja.
Autoritetet thanë se nuk është ende e qartë se cila është lidhja e Adams me familjen Lesslie.
“Ne jemi të gjithë të shokuar për këtë që ka ndodhur në York. Kjo është një vrasje masive,” tha zëdhënësi Trent Farris.
Hetimet vazhdojnë.
Top Channel
