Izraeli sulmon Libanin/ Dronët shënjestrojnë makinën me aleatin e grupit militant Hezbollah 26/04 21:44
Kryetari i unionit për oficerët e Policisë së Kapitolit të SHBA-së i bëri thirrje Kongresit të rrisë sigurinë përreth Capitol Hill mes sulmit të fundit që la një oficer të vdekur.
“Ky sulm, i kombinuar me ngjarjet e dhunshme të kryengritjes së 6 janarit, i kanë lënë oficerët tanë të tronditur”, theksoi kryetari i këtij unioni, Gus Papathanasiou. Ai tha se Policia e Kapitolit është e pajisur me staf nën nivelin e saj me 233 oficerë, duke shtuar se mund të përballen me mungesa më të mëdha të personelit me oficerët që pritet të dalin në pension në të ardhmen.
Oficeri William Evans, një veteran, vdiq pasi një i dyshuar e shtypi atë me automjet së bashku me një oficer tjetër në Kapitol të premten. I dyshuari Noah Green, 25-vjeç, u shpall i vdekur pasi oficerët hapën zjarr ndaj tij. “Evans gëzonte respekt të mirë brenda departamentit dhe humbja e tij nuk do të harrohet”, tha Papathanasiou. “Tani kemi humbur dy oficerë gjatë kryerjes së detyrës këtë vit. Një tjetër oficer ka marrë jetën e tij dhe kemi 80 oficerë të cilët u plagosën rëndë gjatë kryengritjes. Disa nga ata oficerë të plagosur mund të mos kthehen kurrë në detyrë”, tha ai.
Mbështetësit e ish-presidentit Donald Trump më 6 janar sulmuan ndërtesën e Kapitolit, duke kapërcyer barrikadat e policisë dhe duke vrarë një oficer ndërsa u përpoqën të parandalonin Kongresin nga kryerja e një vendimi të rëndësishëm kushtetues përpara inaugurimit të Presidentit Joe Biden.
“Ne po luftojmë që të përmbushim kërkesat ekzistuese të misionit, madje edhe me disa oficerët që punojnë kohë të gjatë të punës jashtë orarit të detyruar. Unë kam dëgjuar shumë oficerë më të rinj që më besojnë duke më thënë se janë duke shikuar në mënyrë aktive agjenci dhe departamente të tjera tani”, tha Papathanasiou.
Mes debateve për rregullimin e ligjit për armë në SHBA për qytetarët, nga të shtënat e trefishta në shtetin Virginia të shtunën një person mbeti i vrarë dhe dy të tjerë u plagosën, ndërsa policia kërkoi nga publiku të kontaktojë autoritetet e Virginia Beach nëse kanë ndonjë informacion. Incidenti ndodhi një javë pas të shtënave në Virginia Beach që shkaktuan dy persona të vdekur dhe tetë të plagosur.
Top Channel
