Nën akuzë për përhapje të rreme të lajmeve për ushtrinë ruse, gazetari i Forbes vihet në arrest shtëpiak 28/04 09:23
Koreja e Veriut priste një tjetër reagim nga Shtetet e Bashkuara pas testit të fundit më raketa të vendit të izoluar komunist.
Dënimi që i bëri presidenti amerikan Joe Biden këtij testimi, konsiderohet tani nga Peniani si një hap i gabuar. Biden tha se raketat e lëshuara nga Koreja e Veriut përbënin shkelje të rezolutave të Kombeve të Bashkuara dhe një kërcënim për rajonin e për komunitetin ndërkombëtar.
Ai gjithashtu e këshilloi Penjanin që të ndalojë testet ushtarake, duke theksuar se “do të ketë përgjigje” nëse shkohet drejt një përshkallëzimi të situatës. Por për zyrtarin koreano-verior, Ri Pyong Chol, i cili mbikëqyri testin e raketës më 24 mars, deklarata të tilla nga një president amerikan përbëjnë shkelje të së drejtës se tyre si shtet për vetëmbrojtje dhe ato paraqesin një provokim.
Ai po ashtu tha se ndjen keqardhje që Biden shfaqi “armiqësinë e tij të thellë” dhe shtoi se nëse Shtetet e Bashkuara “vazhdojnë me deklarata të kësaj natyre pa i menduar pasojat, mund të përballen me diçka që nuk është e mirë”. Ai shtoi se Koreja e Veriut, do të vazhdojë ta rrisë “fuqinë e saj të jashtëzakonshme ushtarake”.
Top Channel
