SHBA-të i bëjnë thirrje Izraelit të shmangë përshkallëzimin e konfliktit me Iranin 16/04 08:30
Ky është momenti kur një grabitëse fëmijësh maskohet si doktoreshë e një spitali në Kairo për të vjedhur foshnjen nga e ëma.
E dyshuara, identiteti i të cilës nuk është bërë publik nga policia, hyri e maskuar në spitalin e fëmijëve Abu Al-Rish në Giza, pranë Kairos, duke pretenduar se ishte mjeke.
Dëshmitarët thonë se ajo u afrua të nëna e fëmijës e veshur me përparëse të bardhë, duke ekzaminuar fëmijën, para se të kërkonte të largohej nga dhoma me qëllim “të kryente të tjera kontrolle”.
Kur nëna e fëmijës, e identifikuar vetëm si Mona K në dokumentacionin e policisë, u kthye për të kontrolluar, ajo pa se bebja e saj tre-muajshe dhe “doktoresha” ishin zhdukur.
Policia e Kairos tha se kishte përcaktuar rrugën e kryer nga gruaja, duke përdorur përshkrimet e nënës dhe pamjet e kamerave të sigurisë.
Pasi kishte dalë nga spitali, ajo kishte marrë disa taksi të ndryshme për të humbur gjurmët e rrugës së saj, raporton The New Arab.
Më pas me beben gruaja kishte përdorur transportin publik për të arritur në stacionin e trenit Mohamed Naguib.
Fëmija ishte gjetur më vonë me gruan, dhe është kthyer shëndoshë te familja e tij, ndërsa e dyshuara është arrestuar.
Në tetor në Kairo, një burrë shfaqej në një video teksa tentonte të grabiste një foshnje nga krahët e nënës së saj.
Ndërsa në 2019, raportohej për një grua egjiptiane që pranoi vjedhjen e një foshnjeje të sapolindur nga spitali sepse trembej t’i tregonte të shoqit se kishte dështuar fëmijën e vet.
Top Channel
