Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Doktorët kanë arritur të shpëtojnë një bebe vajzë 10-muajshe pas një aksidenti horror ku boshti i rrotës së lodrës së saj iu ngul në kafkë, disa milimetra larg trurit.
Në grafitë me rreze X shihej sesi metali kishte depërtuar në kafkën e vogëlushes dhe doktorët fillimisht besonin se kishte shpuar trurin e saj.
Prindërit e të voglës thanë se aksidentalisht kishte rënë mbi objektin duke luajtur në shtëpinë e saj në Moskë.
Doktorët e spitalit të fëmijëve Speransky, zbuluan më tej se sipërfaqja e trurit të saj nuk ishte dëmtuar dhe vijuan të heqin objektin duke përdorur një “instrument special “.
Kirurgu Ruslan Molotov tha: “Ne duhet të siguroheshim që asnjë pjesë e objektit të mos mbetej në brendësi dhe në zonën e dëmtuar”. Ai shtoi se fëmija nuk do të ketë dëme të përhershme nga incidenti.
Disa javë më parë një fëmijë i vogël në Britani kishte gëlltitur 14 magnetë të vegjël duke menduar se ishin ëmbëlsira. 22-muajshja Becca Mccarthy, kishte gëlltitur topat shumëngjyrësh, kur mamaja e saj Sam nuk e kishte mendjen. Lodra thuajse vrasëse ishte blerë në faqet e shitjeve në internet dhe një studim i fundit ka zbuluar se 60 perqind e lodrave të shitura në dyqanet online mund të vrasin ose të plagosin rëndë fëmijët e vegjël.
Mes produkteve më të rrezikshme përfshihen bateritë që mund të djegin të brendshmet e fëmijëve, si dhe lodrat me korda të gjata që mund të mbysin fëmijët për vdekje, prandaj kujdes i veçantë duhet të tregohet nga prindërit për objektet me të cilat mund të bien në kontakt të vegjëlit e tyre.
Top Channel
