Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Një polic i lartë në SHBA raportohet se është divorcuar me gruan, pasi ajo ishte fotografuar me një tjetër burrë në trazirat pro-presidentit Donald Trump në Kongresin e SHBA.
Jennifer Heinl, gruaja e Michael Heinl, hetues i policisë së Shaler, ishte arrestuar dhe akuzuar për sulm në ndërtesën e Kongresit gjatë trazirave të 6 janarit, ku pesë njerez humbën jetën dhe mbi 100 u plagosën.
Qindra mbështetës të ish-presidentit Donald Trump bastisën ndërtesën e Capitol në protestë ndaj humbjes së zgjedhjeve nga republikani. Ata u përleshën me policinë në korridore çka shkaktoi shtyrjen për disa orë të certifikimit të fitores së kandidatit demokrat Joe Biden.
Heinl, nga Pennsylvania, ishte një nga mbështetëset e Trump që mori pjesë në trazira.
FBI tha se 55-vjeçarja ishte pikasur brenda ndërtesës me një tjetër protestues Kenneth Grayson, i cili jeton në Bridgeville, Pennsylvania.
Ky i fundit mbante veshur një bluzë me simbolin e grupit anti-stabiliment Qanon dhe po transmetonte direkt në rrjet pamjet e protestës.
Jennifer u arrestua së fundmi duke u akuzuar për sjellje anarkike dhe hyrje me dhunë.
Ndërsa bashkëshorti i Jennifer, Michael Heinl, ka kërkuar divorcin prej saj në shkurt, një muaj pas trazirave në Capitol.
Michael, një detektiv i njohur në Pittsburgh, drejton grupin e reagimit të armatosur SWAT në një zonë të Pittsburgh.
Heinl tha pas arrestimit se ishte takuar me Grayson pranë Shtëpisë së Bardhë por ai u identifikua nga disa përdorus të Facebook që po ndiqnin transmetimin direkt të trazirave.
Top Channel
