Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Një 19-vjeçar me origjinë shqiptare është arrestuar në Itali dhe akuzohet për rezistencë, dhunë dhe kërcënim ndaj një zyrtari publik.
Gjithçka nisi pak para mesnatës teksa po drejtonte një automjet tip Volvo përmes Cittadini dhe goditi një taksi. Ai ishte në gjendje të dehur dhe teksa tentonte të arratisej, përplasi dhe tre mjete të tjera që ishin të parkuara.
Pas kësaj, humbi kontrollin e automjetit dhe u përplas me një bordurë duke dëmtuar pjesën e përparme të automjetit të tij. 19-vjeçari u detyrua të ndalonte dhe pranë tij mbërriti shoferi i taksisë duke i kërkuar që të dilte nga makina.
Në atë moment mbërriti dhe policia, por 19-vjeçari refuzoi të dilte jashtë. Policët vendosën të thyejnë xhamin dhe të nxjerrin të riun nga makina, por ai u përpoq të shpëtonte duke i goditur me grushte, shkruajnë mediat italiane.
Djali u dërgua në spital për ekzaminim. Por edhe atje ishte i revoltuar dhe u përpoq të sulmonte oficerët në dhomën e urgjencës.
Top Channel
