Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Rusia ka thirrur në Moskë ambasadorin e saj në Washington, pas komenteve kritike të presidentit amerikan, Joe Biden, ndaj presidentit rus, Vladimir Putin.
Zëdhënësja e Ministrisë së Punëve të Jashtme e Rusisë, Maria Zakharova, njoftoi se ambasadori A.I. Antonov po kthehet në Moskë për konsultime, për të vlerësuar të ardhmen e marrëdhënieve midis Rusisë dhe SHBA-së.
Ajo shtoi se Rusia është e interesuar të parandalojë çdo “degradim të pakthyeshëm” të marrëdhënieve “nëse amerikanët janë të vetëdijshëm për rreziqet lidhur me këtë”. Në intervistë të transmetuar sot më herët, presidenti Biden e quajti presidentin Putin një “vrasës”, duke theksuar se homologu i tij rus do të “paguajë çmimin” për ndërhyrjet në çështjet e SHBA-së.
Komentet e presidentit të SHBA-së erdhën pas një raporti të inteligjencës amerikane që përkrah akuzat se Putin qëndron pas ndërhyrjes së Moskës në zgjedhjet e vitit 2020, një akuzë që tashmë është mohuar nga Rusia.
Top Channel
