Izraeli sulmon qendrën e Bejrutit, godet një ndërtesë të banuar, 11 të vrarë dhe 60 të plagosur 23/11 13:52
Një video nga rajoni rus i Leningrad është bërë virale në internet pasi djegia tradicionale e dordolecit gjigand, thuajse u kthye në një katastrofë kur shpërtheu në flakë megjithë punonjësin, para turmave festive.
Djegia e dordolecit është pjesë e festimeve të festivalit të përvitshëm ortodoks të Maslenitsa, që festohet të martën e mesit të marsit ose siç njihet ndryshe ‘Mardi Gras’. Në shumë qyteza e fshatra ruse digjet dordoleci në sheshin qendror, me të cilin festohet fundi i dimrit.
Njerëzit celebrojnë me pije e ushqim, si dhe duke kënduar nën flakët e figurës që digjet. Por këtë vit festa e qytezës së Kingisepp pranë kufirit me Estoninë doli pak jashtë kontrolli prej shpërthimit të flakëve, me shumë gjasa prej hedhjes së lëndës së tepruar djegëse.
Autoritetet thanë se askush nuk u lëndua, dhe festa vijoi me ritmin e saj natyral.
Top Channel
